null Skip to main content

Te Korero Mo Waihiko

$65.00
Write a Review
SKU:
9780473582982
Availability:
Available from local supplier. Usually ships in 3-6 days.
Shipping:
Calculated at Checkout
Author:
Ariki Creative
Released:
January 2022
Format:
Hard back
Adding to cart… The item has been added

Ko tā te kōrero mō Waihiko, he whakaū, he whakaatu i tō tātou hononga ā-whakapapa ki te ao matihiko, te ao hangarau me ōnā rawa, ōnā āheinga hoki. He kai kei a tātou ringa, koinei ngā kai kua hora i tēnei ao kikokiko, mā te mārama i tō tātou hononga e mārama ai tātou me pēhea te whakamahi i ngā tāonga nei hei oranga nuitanga mo ngā uri whakaheke.

Ko Waihiko tā mātou whakatinanatanga atua mo te hiko. He pūmotu māori i te taiao, heoi nō ngā rau tau kua pahure anake, āhei ai te ira tangata te pāhekoheko atu ki a ia me te whakamahi i te hiko hei whakawhanake i ā tātou hangarau. Koia te tamāhine o Tamanuiterā rāua ko Rua Korekore, ā, he hoka i ngā rangi tūhāhā tā rātou mahi ia te rā, ia te rā.

Ka whai māramatanga tātou mo tō tātou ao hurihuri, he aha i pēnei, i pēnā ai ngā āhuatanga rerekē, ō tātou hononga ki ō tātou tupuna, ki te ira atua e whakatinanahia ana i te taiao o roto i ngā tāonga tuku iho i ō tātou tupuna, pērā ki ngā pūrākau.

E timu ana, e pari ana ngā tai o te ao hurihuri, ā, e pōkai ana tātou i ngā moana matihiko, ahakoa te tūmomo mahi, te pae tawhiti e whai nei tātou. He uaua te kite, te rongo hoki i te hononga ki te ao matihiko me ōnā rawa – he ao tauhou, he hangarau tauhou hoki. Me pēhea to tātou whakaū i ngā kawa me ngā tikanga, te whakamana rānei i te tapu me te noa i tēnei ao?